واحد
07-12-17, 01:56 AM
بسم الله الرحمن الرحيم
ذات مرة عزم الشاعر على ان يخطب إحدى البنات فلما ذهب لخطبتها رفضت البنت لأنه اكبر منها وتريد شاباً وسيماً ، ثم نظم هذه القصيدة رداً عليها وعلى من يؤيدها من الناس،،،،،
هـات القـلم والبوك والحبر دنـّه=حـتى علـى الصفحه تجوز التعابـير
الله مـن قـلباً هـمومـه حدنـه=حـدّت ذهيـباً جرب طقّن عن البير
طقّوا عليهن طلـعة الشمس شـنّه=ألقـوهن المظـماه وقـفاً تنـانـير
وجـودهن قرطوع مـاء يشربـنّه=وانـا وجودي خـدّر الجسم تخدير
علـى الذي سود اللـيال ابعدنـّه=اقـفى يحثّ خـطاه ويواصل السير
عقب اربعـين العـام مافيه مـنّه=اقـفى وانـا اوميله مثل راعي الطير
وادع عيـونٍ يـوم وادع بكـنّه=وخلّف بدالـه صاحبٍ صيـغته غير
اول دروسـه عند ماقـوم ونـّه=وبـدّلنا سـود البكـار بمغـاتـير
واللـي بـغى يخف الحقايق مخسنّه=يومـين والثـالث يشـوف التزاهير
كم غافـلٍ لاشافـهن ذكّرنـّه=صحـّاه من نـوماً حلومـه جماهير
وبعض العرب كثر الذنوب اخدعنّه=مايستمع في قـول عـذّال ومشير
ياراكب اللـي يوم احلـيّه كنه=اهـواي قـرناسٍ دعوه الصـقاقير
جمـسٍ جديـدٍ واردٍ من مفـنّه=ما قـص له دفتر باللوحات تصدير
مصـانع الـيابان مـاصنعـنّه=صنـع الامريكي خصّصه للمشاوير
مصـانعه من كل عيبٍ ضمنـنّه=ولإجـل الضمان مزوديـن الدنانير
اركـبت سوّاقـاً خبـيرٍ بفـنّه=مـااركبت فوق الجمس رجلٍ معيثير
ناصـين شيخٍ في بـيوتٍ نصـنّه=وان قـيل من هو قل صبي المخاسير
متـعب لـيا من الدواعي دعنّه=يـدق بعيون المعـادي مسامـير
ابـوه يوم ان السبـايـا تلـنّه=كسب حـلال اعداه خز القناطير
يوم الاصـايل تنمسك بالعـنّه=يقـود لـه جمـعاً يهد الطوابير
اخذ بسيـفه شيخـته يوم هنّه=ذولي منـاحـيلٍ وذولي مـدابير
ماهـو نبـيته شيخته مستمنّه=الواسطـات معدّلـين الـتقارير
عـقّب عيالٍ فعـولهم شجّعنّه=لو كان مـيّت زاد قدراً وتقدير
قصـيرهم زلاّتـهم مـايجنّه=وبيوتهـم دايم ضيوف ومسايير
وليـا زمر عدوّهم خاب ظنّه=داسوا على روس الاعداء بالبساطير
متعب عشير اهل الركاب ان لفنّه=وعوق الزعيم اللي براسه زعاطير
حلـحيل والنشـبات مايبحلنّه=يقـرأ الحروف وماهراً بالتفاسير
يابو فهـد حيثك فهيم ومظنّه=ورايـك تقـدّابه رجالٍ مشاهير
وش حيلتك باللي ليالـه كونّه=كويت عظيب بمخطره للمجيدير
عندي خبر تبي تقول انت سنّه=والعبـد يرضى بالقـدر والمقادير
هذي سوات الكون بإنسه وجِنّه=مازاد ينقص لو بغى الجاهل يطير
مفـهوم هذا مـير بالقلب لنّه=وبعض الكلام يدمر العمر تدمير
اخاف من كلمة خطـاة المصنّه=تقـول فارقت البـنيّ الغنادير
عندك خبر من بان فيـه سهجنّه=لو هو شجاعٍ مثل ابازيد والزير
والاّالـردي مفروض مايعشقنّه=مايعشـقن الاّ النشاما المغاوير
لكن بالعكس المخنـفس يـبنّه=سحّاب ثوبه نعنبو هالصراصير
يطيعـهن عند الطلب لإرسلنّه=ويوكلنـّه كـل يوم الخوابير
ولـيا بغـنّ الراي ماشاورنّه=طبعاً موافق لو على لعنة الصير
هـذاك لو بـِيع عليهن شرنّه=وعن الحـصان يدورن المعاذير
من كلمات الشاعر الراحل (مليح الجداري)
ذات مرة عزم الشاعر على ان يخطب إحدى البنات فلما ذهب لخطبتها رفضت البنت لأنه اكبر منها وتريد شاباً وسيماً ، ثم نظم هذه القصيدة رداً عليها وعلى من يؤيدها من الناس،،،،،
هـات القـلم والبوك والحبر دنـّه=حـتى علـى الصفحه تجوز التعابـير
الله مـن قـلباً هـمومـه حدنـه=حـدّت ذهيـباً جرب طقّن عن البير
طقّوا عليهن طلـعة الشمس شـنّه=ألقـوهن المظـماه وقـفاً تنـانـير
وجـودهن قرطوع مـاء يشربـنّه=وانـا وجودي خـدّر الجسم تخدير
علـى الذي سود اللـيال ابعدنـّه=اقـفى يحثّ خـطاه ويواصل السير
عقب اربعـين العـام مافيه مـنّه=اقـفى وانـا اوميله مثل راعي الطير
وادع عيـونٍ يـوم وادع بكـنّه=وخلّف بدالـه صاحبٍ صيـغته غير
اول دروسـه عند ماقـوم ونـّه=وبـدّلنا سـود البكـار بمغـاتـير
واللـي بـغى يخف الحقايق مخسنّه=يومـين والثـالث يشـوف التزاهير
كم غافـلٍ لاشافـهن ذكّرنـّه=صحـّاه من نـوماً حلومـه جماهير
وبعض العرب كثر الذنوب اخدعنّه=مايستمع في قـول عـذّال ومشير
ياراكب اللـي يوم احلـيّه كنه=اهـواي قـرناسٍ دعوه الصـقاقير
جمـسٍ جديـدٍ واردٍ من مفـنّه=ما قـص له دفتر باللوحات تصدير
مصـانع الـيابان مـاصنعـنّه=صنـع الامريكي خصّصه للمشاوير
مصـانعه من كل عيبٍ ضمنـنّه=ولإجـل الضمان مزوديـن الدنانير
اركـبت سوّاقـاً خبـيرٍ بفـنّه=مـااركبت فوق الجمس رجلٍ معيثير
ناصـين شيخٍ في بـيوتٍ نصـنّه=وان قـيل من هو قل صبي المخاسير
متـعب لـيا من الدواعي دعنّه=يـدق بعيون المعـادي مسامـير
ابـوه يوم ان السبـايـا تلـنّه=كسب حـلال اعداه خز القناطير
يوم الاصـايل تنمسك بالعـنّه=يقـود لـه جمـعاً يهد الطوابير
اخذ بسيـفه شيخـته يوم هنّه=ذولي منـاحـيلٍ وذولي مـدابير
ماهـو نبـيته شيخته مستمنّه=الواسطـات معدّلـين الـتقارير
عـقّب عيالٍ فعـولهم شجّعنّه=لو كان مـيّت زاد قدراً وتقدير
قصـيرهم زلاّتـهم مـايجنّه=وبيوتهـم دايم ضيوف ومسايير
وليـا زمر عدوّهم خاب ظنّه=داسوا على روس الاعداء بالبساطير
متعب عشير اهل الركاب ان لفنّه=وعوق الزعيم اللي براسه زعاطير
حلـحيل والنشـبات مايبحلنّه=يقـرأ الحروف وماهراً بالتفاسير
يابو فهـد حيثك فهيم ومظنّه=ورايـك تقـدّابه رجالٍ مشاهير
وش حيلتك باللي ليالـه كونّه=كويت عظيب بمخطره للمجيدير
عندي خبر تبي تقول انت سنّه=والعبـد يرضى بالقـدر والمقادير
هذي سوات الكون بإنسه وجِنّه=مازاد ينقص لو بغى الجاهل يطير
مفـهوم هذا مـير بالقلب لنّه=وبعض الكلام يدمر العمر تدمير
اخاف من كلمة خطـاة المصنّه=تقـول فارقت البـنيّ الغنادير
عندك خبر من بان فيـه سهجنّه=لو هو شجاعٍ مثل ابازيد والزير
والاّالـردي مفروض مايعشقنّه=مايعشـقن الاّ النشاما المغاوير
لكن بالعكس المخنـفس يـبنّه=سحّاب ثوبه نعنبو هالصراصير
يطيعـهن عند الطلب لإرسلنّه=ويوكلنـّه كـل يوم الخوابير
ولـيا بغـنّ الراي ماشاورنّه=طبعاً موافق لو على لعنة الصير
هـذاك لو بـِيع عليهن شرنّه=وعن الحـصان يدورن المعاذير
من كلمات الشاعر الراحل (مليح الجداري)