عادل
11-12-23, 12:17 PM
قصيدة للشاعر / مهل بن سرور الفريدي
بديت باسم الي ينشّي الغيومي= الي حمى الكعبة ووقف دونها الفيل
راعيه ساقه لين عيّا يقومي= وارسل عليهم بالحصى طير أبابيل
وحنا هل التوحيد وأهل السلومي = من خلقة الدنيا وجيلٍ ورا جيل
عشنا بها يوم الزمان الكظومي = ونحارب المشرك على حزبن حيل
حنا قبيلة حرب عن اللزومي = ياما وطينا من كبودٍ مغاليل
الضيف يكرم عندنا ومحشومي = ولانطوّف العيله علينا ولانعيل
والناس كلن بالمواجيب يومي = كلن بحقه بالمثل مثل ماقيل
نمشي على راي الحصان العزومي = فهد ملكنا لاحصل بالدهر ميل
شيخٍ ولد شيخٍ قديم العلومي = حط لخبيثين النوايا محابيل
ساق الركايب بالشتاء والسمومي = من سوريا لينه وصل مطلع سهيل
لينه حكم نجد العذيه عمومي = وأخّر رجاجيلٍ وقدّم رجاجيل
سيّس بها حكمٍ لعله يدومي = وزاح الظلام الي مثل حالك الليل
وعقّب حرارٍ بالمواقف قرومي = حموا جوانبها من النيل للنيل
وشلة فقيه مفسرين الحلومي = تالي حياته مثل قصة شمهليل
خلاه أخو نوره يعض البهومي = عقب حياة العز ذاق البهاذيل
موجود بالدنيا وتقل معدومي = يبي يحيل وجاه بالعزم حليحيل
وصلاة ربي عد مشي النجومي = على نبيٍ جاه للحق تنزيل
بديت باسم الي ينشّي الغيومي= الي حمى الكعبة ووقف دونها الفيل
راعيه ساقه لين عيّا يقومي= وارسل عليهم بالحصى طير أبابيل
وحنا هل التوحيد وأهل السلومي = من خلقة الدنيا وجيلٍ ورا جيل
عشنا بها يوم الزمان الكظومي = ونحارب المشرك على حزبن حيل
حنا قبيلة حرب عن اللزومي = ياما وطينا من كبودٍ مغاليل
الضيف يكرم عندنا ومحشومي = ولانطوّف العيله علينا ولانعيل
والناس كلن بالمواجيب يومي = كلن بحقه بالمثل مثل ماقيل
نمشي على راي الحصان العزومي = فهد ملكنا لاحصل بالدهر ميل
شيخٍ ولد شيخٍ قديم العلومي = حط لخبيثين النوايا محابيل
ساق الركايب بالشتاء والسمومي = من سوريا لينه وصل مطلع سهيل
لينه حكم نجد العذيه عمومي = وأخّر رجاجيلٍ وقدّم رجاجيل
سيّس بها حكمٍ لعله يدومي = وزاح الظلام الي مثل حالك الليل
وعقّب حرارٍ بالمواقف قرومي = حموا جوانبها من النيل للنيل
وشلة فقيه مفسرين الحلومي = تالي حياته مثل قصة شمهليل
خلاه أخو نوره يعض البهومي = عقب حياة العز ذاق البهاذيل
موجود بالدنيا وتقل معدومي = يبي يحيل وجاه بالعزم حليحيل
وصلاة ربي عد مشي النجومي = على نبيٍ جاه للحق تنزيل