مرثية سدحان - رحمه الله - / للشاعر مهل بن سرور

[عادل]

يالله يالي فارضٍ خمس الأركان = وانجيت موسى من بحورٍ غزيره
ياواحدٍ تعلم خفى كل ماكان = ياعالمٍ بالطايلة والقصيره
وسخرت نود الريح تنقل سليمان = ويسوقها من صوب ديرة لديره
بعطفك ولطفك ترحم الشيخ « سدحان » = عساه ينزل منزلٍ فيه خيره
الله يرجّح له بالأعمال ميزان = يوم الحساب ويوم كشف السريره
ياعل سيّاته تبدل بالاحسان = وتكفيه شر الهول يوم النكيره
ريف الهجافا لاتلافوا مسيّان = الي عليهم من جفا الوقت غيره
اليا حداهم جوع والوقت مازان = والفوا على « سدحان » عقب المسيره
رحب بهم ترحيبةٍ تبر الاحزان = ويفني حلاله كن حاتم شويره
وعقّب حرارٍ كنهم طير حوران = شالوا حمولٍ جايراتٍ كبيره
واخوانه الخمسة لهم بالوفاء شان = يافون لو ان الليالي عسيره
من سربةٍ يوم اجرد الخد ميدان = والناس كلٍ راس ماله بعيره
دون العشاير يوم روغات الأذهان = بالسيف والبندق وشلفاً شطيره
« فضل الفريدي » له على الطيب برهان = يوم القبايل كل يومٍ مغيره
يوم القبايل بين مفلس وكسبان = تاريخهم معروف وسط الجزيره
وصلّوا عدد ماهزت الريح الأغصان = علي نبيٍ سنته حسن سيره



الشاعر / مهل بن سرور الفريدي

[الفكسار]

الله يرحم الاخ سدحان
ويطول عمر الشاعر ابو نواف

[ابن داموك]

الله يرحم سدحان ويغفرله والله ليهين الشاعر ابو نواف

[احمد محمد]

رحم الله فقيد القبيلة الكبير رحمة واسعه وادخله فسيح جناته
وصح لسان ابونواف

[محمد زمل]

الله يرحم ابوسلطان
ويطول بعمر ابونواف

مشكور عادل على النقل

[حاتم الحربي]

مشكووور عادل على النقل

[عنوش]

الله يــرجّـــح لـــــه بـالأعــمــال مــيـــزان يــوم الحـسـاب ويـــوم كـشــف الـسـريـره
يــاعـــل ســيّــاتــه تـــبـــدل بــالاحــســان وتكـفـيـه شـــر الــهــول يــــوم الـنـكـيـره

^^
اللهمم آمين :crying:

صصصح لســآنهه
جميل مَ نظظم ششـآعرنا مهل~

كل الششكر لك مديري عععادل
مَ قصصرت