مليّح الحداري وقصيدة في نايف بن هديب - رحمهما الله -

[عادل]

يقول أبو بندر



يابو سعود البيت تمت مبانيه=لعل ما تغيّر عليه الليالي
بيت المعزه كمّله فعل راعيه=راع الوفاء والطيب باول وتالي
قسم الضيافه ماقفل باب حاميه=مفتوح دايم وجهته للشمالي
والقهوجي دايم اوجاره يحاضيه = والنار مشبوبه بصف الدلالي
الضيف يكرم والمسير يقهويه=بيت الاماره مدهلٍ للرجالي
نايف اليا جاه المسير يحيه=ويقلّطه فوق الكنب والزوالي
ومن جاه باللازم على طول يقضيه=اللي يبي تختيم والا اتصالي
مرحوم عودٍ عقبه من مجانيه=من شام للجزلات عاف الهزالي
ابوه خلاّ القوم ذوده تخليه=يوم المشوّك مثل وبل الخيالي
وعمه محمد يوم جاته حماريه=جب الرشا والدلوا فوق المحاني
ورّا خصيمه يوم شان بتحديه=حيثٍ له قلبٍ من الخوف خالي
والجد نافل يرفع الراس طاريه=بجواره الرملاء تعيّش عيالي
وخاله بجاد اللي شهيره عزاويه=لا طار عن قحص المهار الجلالي
وربعه رجال اتّيه الطرش تتييه=اولاد راشد محتمين التوالي
طيبه وخف النفس ورث من اهاليه=لعل نفسه ما يجيها الزوالي
وعياله الظفران تمشي مماشيه=ماكر حرارٍ بالجبال العوالي
لو ابتل اشرح طيبهم ما اقدر احصيه=ونقول في بيتك كمال وجمالي
اقبل سلام مع التحيات نهديه=سلامٍ احلى من حليب المتالي



نقلاً عن الاخ منصور الوسوس من مجالس الفردة

[وسيع الصدر]

الله يرحمهم ويدخلهمفسيح جناته

[ابوتركي]

اللهم ارحمهما وتجاوز عنهما وأعلي درجتهما
يستاهل ابوسعود قول وفعل رحمه الله عليه
وأذكر عندما قدمت عليه اعايده في عيد الفطر المبارك من عام 1423هـ بعد وفاة ابي باربعة أشهر فلما راني وقد أتيته وحدي وكنت اتيه انا وصاحبه الحميم لم يتمالك نفسه ونفجر بالبكاء ، موقف مازال في ذاكرتي ، وسبحان الله لم يمضي عليه شهرين الا وقد لحق بصاحبه .
والعجيب انهما معروفين ببرهما بوالديهما وخاصة الام (الله لايحرمهما الاجر)
اللهم كما جمعتهما في الدنيا على خير اجمعهما في الاخرة بمستقر رحمتك

عادل بيض الله وجهك
وجزاك الله خير

[مشعل الفريدي]

اللهم اغفر لهما وارحمهما ...أخوي عادل يعطيك العافية على هذا النقل لاعدمناك

[بــحــر الشـوق]

اللهم اغفرلهم وارحمهم وجميع موتى المسلمين

عادل مشكور على النقل الرائع


تحياتي