عادل
07-07-11, 03:24 AM
اصد عن بعض الوجيـه المعابيـس = واجنـّب دروب الـردى والجهـالـه
ماهو بخوف الا بجسمي حواسيـس = واقـدّر العربـان فـي كـل حالـه
حشّمت نفسي عن فعـول الدنافيـس = وكرّمـت هرجـي والثعالـه ثعالـه
ولو انها وصلت لضـرب المتاريـس = كان اصغر اخوانـي يطـوّح عقالـه
لكن على الله يازمـان الجواسيـس = لا والله الا يـازمـان الحثـالـه
مبـداك متوصّـخ ومليـان تدنيـس = وضاعت حقوق الطبع بيـن العمالـه
وحُرّية التعبيـر عنـد الجواميـس = أخذ وعطى وبكـل يسـر وسهالـه
وحنا علينا القيد ملـوي يابرديـس = ولو قلت كلمة حـق قالـوا ظلالـه
احس صدري صاير يخيس ويخيـس = من واقـع علـوم الزمـان وحَوَالـه
وهموم بقعا وسط صدري مكاديـس = تكدسـت بيـن اليميـن وشمـالـه
تكفون فكوا مـن يدينـه محابيـس = ياهل الشكاله وين عصـر الشكالـه
ماني خوي ابليس ياحظـرة بليـس = أنا خـوي اهـل السمـو والجلالـه
وماني خوي أهل الغنا والمراويـس = انـا خـوي المـذّن وراس مـالـه
اعيش في واقـع علومـه متاعيـس = كن الزمن صابـه عـروق النذالـه
وعصر المهلهل راح مع عصر بلقيس = وهذا العصر عصـر انكتـم يازبالـه
وهـذا زمـان ملفلفيـن القراطيـس = ماهو زمان اهل القنـص والجزالـه
وهذا عصر لكياس ياجاهـل الكيـس = انـته وابيـك وجـد جـدك حلالـه
ولا صار قول الحق خلف الكواليـس = الله يعـجّـل بالـزمـان وزوالــه
وفيه امنيه والله عضيـد المفاليـس = لكن اخاف تكـون شبـه استحالـه
يرجع زمان اهل الرمك والفواريـس = ونشوف من فعله ينومـس خوالـه
الشاعر / سالم بن محمد اليامي
ماهو بخوف الا بجسمي حواسيـس = واقـدّر العربـان فـي كـل حالـه
حشّمت نفسي عن فعـول الدنافيـس = وكرّمـت هرجـي والثعالـه ثعالـه
ولو انها وصلت لضـرب المتاريـس = كان اصغر اخوانـي يطـوّح عقالـه
لكن على الله يازمـان الجواسيـس = لا والله الا يـازمـان الحثـالـه
مبـداك متوصّـخ ومليـان تدنيـس = وضاعت حقوق الطبع بيـن العمالـه
وحُرّية التعبيـر عنـد الجواميـس = أخذ وعطى وبكـل يسـر وسهالـه
وحنا علينا القيد ملـوي يابرديـس = ولو قلت كلمة حـق قالـوا ظلالـه
احس صدري صاير يخيس ويخيـس = من واقـع علـوم الزمـان وحَوَالـه
وهموم بقعا وسط صدري مكاديـس = تكدسـت بيـن اليميـن وشمـالـه
تكفون فكوا مـن يدينـه محابيـس = ياهل الشكاله وين عصـر الشكالـه
ماني خوي ابليس ياحظـرة بليـس = أنا خـوي اهـل السمـو والجلالـه
وماني خوي أهل الغنا والمراويـس = انـا خـوي المـذّن وراس مـالـه
اعيش في واقـع علومـه متاعيـس = كن الزمن صابـه عـروق النذالـه
وعصر المهلهل راح مع عصر بلقيس = وهذا العصر عصـر انكتـم يازبالـه
وهـذا زمـان ملفلفيـن القراطيـس = ماهو زمان اهل القنـص والجزالـه
وهذا عصر لكياس ياجاهـل الكيـس = انـته وابيـك وجـد جـدك حلالـه
ولا صار قول الحق خلف الكواليـس = الله يعـجّـل بالـزمـان وزوالــه
وفيه امنيه والله عضيـد المفاليـس = لكن اخاف تكـون شبـه استحالـه
يرجع زمان اهل الرمك والفواريـس = ونشوف من فعله ينومـس خوالـه
الشاعر / سالم بن محمد اليامي