ابوي عطني شماغك واحتمـــــــــــي به!!

[شموخ أنثى]

يـابــوي جـعـلـك للـبـقـا والمـكـاسـيـب
عمـري بدونـك يالـذ ّرا ويـش أبـي بـــــه
يابـوي تسـأل عــن شـفــاك المراقـيـــب
طـلـعـة سـواتــك لـلـنّـوايـف غـريـبــــه
لــــيه المرض مايعـرف الزّيـن والعيــــب ؟
مـايــدري انـــك للمخـالـيـق هـيـبـــــه !!
أبسألـك وش بـه غـزا وجهـك الشـيـــــب
والـقـلـب لايـــع والـنـواظـر شـحـيـبـــه
وش بك تحاتي لانـوى المـــوت تغريــــب
تـخـشـى عـلـيـنـا بالـلـيّــالـي الكـئـيـبه
خـذ دلّتـك واركـى علـى مسنـــد الجـيـب
وعطنـي شماغـك بلثمـه وأحتـمـي بــــه
ونـروّح لأرض ٍ بهـا العشـب والطـيـــــب
وتسـمـع كــلام ٍ يـالـغـلا تحـتـفـي بـــه
يـابـوي بنـتـك لاانـحـكـى بالتّـجـاريــب
كــل ٍ يـشــق لهـيـبـه الـصّـيـت جـيـبـــه
يابـوي مانـي مـن ســوات المخـاريــــب
الـلّــي تـجـيـب لعـلـيَـة الـقــوم خـيـبـــه
وماني من اللّـي لامشـت حفّهـا الرّيــــــب
أنـــا مـــن الـلّــي مـايـدنّــس حـلـيـبـــه
مرفـوع شانـي عــن غـــرام المكاتـيــب
وأكبـر مــن انّـنـي أرتـضـي بالحبيـبــه
أنـــا غـرامــي لاابـتــدوا بالـتّـراحـيـــب
نـفـوس الأوادم فــي وجــودي رحيـبــــه
وان كــان زيـنـي فـتـنـة ٍ للمـصـاويـــب
أحـــط وجــهــي بـالـحـريـق ولـهـيـبــه
زينـي أبيعـه وأشتـري سمـعـه الطّـيــب
اسـم ٍ ينـومـس بالـصّـروح الــذ ّهيـبـــــه
وان كان عندي ( بالحــــلا) شي ٍ اصعيب
عـنــدي جـــدود ٍ مـارضــت بالغلـيـبــــه
دمــوع القبـايـل فــي لقـانــا مسـاكـيـب
كــــن الـمـقـابـر لاحـضـرنــا قـريــبـــــه
خضّبـت لـك كفّـي مـن العــــــز تخضـيـب
ورفـعــت راســـي للـنّـجـوم الصّعـيـبـــه
والله لأســـــدّك بـالـفـعـول المـصـالـيــب
والله لأشـيـلـك بـالـرخــا والمـصـيـبــــــه
طـلـع المـعـالـي ماانـحـكـم للـشّـواريـــب
بـنـت ٍ وأنـاطـح فـــــارس الـقـوم طيـبــه
وياشيـخـي إبـشــــر لـوتـدور الدّوالـيــب
بنتـك إلا منّـه عــوى الـذّيـب ( ذيـبـــــــه)



القصيده اعجتني لكن مدري لمين بالضبط ^_^
لكم كل الود والورد

[حبيبتي القواره]

صح لســــــــــــــــــــــــــــــــــــــــــــــان ك


الله يعطيك العافيه

[وسيع الصدر]

الله يعطيك العافية على النقل المتميز

[شموخ أنثى]

حبيبتي القواره
وسيع الصدر
تسلموووووون على مروركم الاكثر من راااائع
نورتوا الصفحه

[عايش بروحي]

أنـــا مـــن الـلّــي مـايـدنّــس حـلـيـبـــه
مرفـوع شانـي عــن غـــرام المكاتـيــب

مشكوره على المشاركه الجميله

وأبيات في غايت الروعه


تقبلي تحياتـــــــــــــــــي,,,,

[شموخ أنثى]

العفوووووووووووووو
لااعدمت مرورك الاكثر من راائع