قصيده ترحيبيه بمناسبة عودة الامير سلطان بن عبد العزيز ((حفظه الله))

[أماني]

قصيده ترحيبيه بمناسبة
عودة الامير سلطان بن عبدالعزيز حفظه الله بعد شفائه



قالها الشاعر عبدالله بندر تركي الشيباني








قولوا معي ياساكنيـن الجزيـره
قولوا هلا باللي حياتـه نذرهـا
قولوا لبو خالد دروبك عسيـره
لاحدا تهمقاهـا ولاحـدا عبرهـا
تعبر بنا عبر البحـور الغزيـره
امواجها ماردتـك عـن بحرهـا
في راي ابو متعب زعيم المسيره
اللي الى طالت برك وختصرهـا
يديرها بالفكـر وهيـه خطيـره
حتى يخفف عن بـلاده خطرهـا
والجيش يفخر بالمليك اوزيـره
سلطان هو عز الجيوش وافخرها
يامرحبا من كل فخـذ وعشيـره
ومن القلوب اللي فرحها غمرهـا
باللي رعى جيشه ابصر وبصيره
حتى المحبه في جنـوده بذرهـا
مانحتمل فرقاه لوهـي قصيـره
قلوبنا سيطر عليهـا واسرهـا
وفي عودته كلن يعبـر ظميـره
بعد شهـور طايـلات انتظرهـا
الجيش كل الجيش يفرح باميره
فرحه عظيمه ماتوصف صورهـا
والهرج تكفي بلغته عن كثيـره
نامت عيونن طولت في سهرهـا

[المعناقية]

صح لسانك يا الشيباااني

ومشكوره يا الغالية على هالاختيار

[ابوتركي]

صح لسان الشاعر
يستاهل ابوخالد
ولو كنا نقرض الشعر لتحركة قريحتنا البارحة بقدوم سموه الكريم

أماني بارك الله فيك

[أماني]

العفو

ماسوينا الا الواجب